Аzərbaycan, Bakı, 28 avqust /Trend, müxbir E.İsmayılov/
ARDNŞ (Azərbaycan Respublikası Dövlət Neft Şirkəti) oktyabrın ortalarına qədər Naftalan-Gedək Boz quru sahəsində ikiölçülü kompleks geofiziki tədqiqat işlərini tamamlamağı planlaşdırır. Bu barədə çərşənbə axşamı ARDNŞ-dəki mənbə məlumat verib.
"Sahə işləri hələ davam etdirilir, sentyabra qədər tamamlanacaq", - mənbə deyib.
Mənbənin sözlərinə görə, bütün işlər növbəti ilin martına qədər başa çatdırılacaq.
İşlərin aparılmasında əsas məqsəd sahənin geoloji quruluşunu öyrənməkdir.
Azərbaycanda 59 neft-qaz yatağı var ki, onlardan 18-i dənizdə, qalanları isə quruda yerləşir.