Azərbaycan, Bakı, 28 sentyabr /Trend/
Yanvar-avqust aylarında "Azərbaycan İstilik Elektrik Stansiyası" (İES) 3,3 milyard kilovat-saat elektrik enerjisi istehsal edib. Bu barədə "Azərenerji" ASC-nin (ölkədə elektrik enerjisinin istehsalı və paylanması) çərşənbə axşamı yaydığı məlumatda deyilir.
Məlumatda deyildiyi kimi, avqustda İES-də 458,4 milyon kilovat-saata yaxın elektrik enerjisi istehsal edilib ki, bu da planda nəzərdə tutulduğundan 3,4 milyon KVt/saat çoxdur.
Hazırda elektrik stansiyasının enerji bloklarında və yardımçı avadanlıqlarında onların normal işləməsini təmin etmək üçün işlər görülür. Birinci və səkkizinci enerji bloklarında yenidənqurma işləri davam etdirilir.
Elektrik stansiyası hər birinin gücü 300 MVt olan səkkiz enerji blokundan ibarətdir.