2009-cu ildə Xəzər ölkələrinin enerji balansı

Azərbaycan, Bakı, 29 dekabr /Trend, müxbir A.Bədəlova/

2009-cu ildə Xəzər regionu ölkələri (Rusiya nəzərə alınmamaqla) müxtəlif istiqamətlərdə 39,507 milyard kubmetr qaz ixrac ediblər. Bu rəqəmlər ABŞ Dövlət Enerji Məlumatları İdarəsinin (EIA) hesabatında göstərilir.

EIA-nın məlumatına görə, 2009-cu ildə Azərbaycandan ixrac 5,92 milyard kubmetr, Qazaxıstandan 9,91 milyard, Türkmənistandan 18,017 milyard, İrandan 5,66 milyard kubmetr təşkil edib.

2009-cu ildə bu ölkələrdə ümumi qaz hasilatı EIA-nın məlumatına görə, 226,6 milyard kubmetr təşkil edib.

EIA-nın məlumatına görə, 2009-cu ildə Azərbaycanda qaz hasilatı 16,51 milyard kubmetr, Qazaxıstanda 40,96 milyard, Türkmənistanda 38,13, İranda 131 milyard kubmetr təşkil edib.

ARDNŞ-nin (Azərbaycan Respublikası Dövlət Neft Şirkəti) məlumatına görə, 2009-cu ildə Azərbaycanda ümumi qaz hasilatı 23,7 milyard kubmetr olub. Bu həcmdən 16,78 milyard kubmetr xarici şirkətlərlə PSA tipli birgə layihələr çərçivəsində hasil olunub, yerdə qalanı isə ölkədə öz vəsaitləri hesabına qaz hasil edən ARDNŞ-nin payına düşür. ARDNŞ-nin məlumatına görə, 2009-cu ildə ixrac olunan qazın həcmi 5,35 milyard kubmetr təşkil edib.

2009-cu ildə Xəzər regionu ölkələrində qaza tələbat 171,27 milyard kubmetr təşkil edib ki, bunun 10,59 milyard kubmetri Azərbaycanın, 8,58 milyardı Qazaxıstanın, 20,1 milyardı Türkmənistanın, 132 milyard kubmetri İranın payına düşür.

EIA-nın məlumatına görə, 2009-cu ildə Qazaxıstanda qaz idxalı 6,09 milyard kubmetr, İranda 6,17 milyard kubmetr təşkil edib. Digər Xəzər ölkələrindən qaz idxal olunmayıb.

BP-nin məlumatına görə, 2010-cu ilin əvvəlinə Azərbaycanda sübut edilmiş qaz ehtiyatları 1,31 trilyon kubmetr, Qazaxıstanda 1,82 trilyon, Türkmənistanda 8,1 trilyon, İranda 29,61 trilyon kubmetr təşkil edir.

EIA-nın 2009-cu il ərzində Xəzər regionu ölkələrinin enerji balansı üzrə məlumatları

(milyard kubmetrlə)