Gürcüstan, Tbilisi, 29 dekabr /Trend, müxbir N.Kirsxaliya/
2010-cu ildə Gürcüstan iqtisadiyyatının neft sektoruna daha çox ARDNŞ investisiya yatırıb. Bu barədə Gürcüstan Neft Məhsulları İdxalçıları və İstehlakçıları İttifaqı bəyan edib. ARDNŞ-nin investisiyalarının həcmi 40 milyon lari təşkil edib.
Daha sonra Gürcüstanın məşhur şirkətləri "Visol Petroleum Georgia" (20 milyon lari), "Rompetrol" və Rusiyanın "LUKoil" şirkətləri gəlir.
"2010-cu il ərzində yanacaqdoldurma məntəqələri seqmentində xeyli inkişaf olub. ARDNŞ 35, "Visol Petroleum Georgia" şirkəti 12 yeni məntəqə tikib. "Rompetrol", "LUKoil Georgia" və digər şirkətlər də öz şəbəkələrini genişləndiriblər. 2010-cu ildə böyük rəqabət nəzərə alınmaqla, şirkətlərin böyüdülməsi prosesi fəal surətdə həyata keçirilib ki, bu da şirkətlərin pərakəndə şəbəkəsinin genişləndirilməsində öz əksini tapır", - ittifaqdan qeyd ediblər.
