...

2017-ci ilə "Azəri-Çıraq-Günəşli" blokunda dərində yerləşən qazın işlənməsi gözlənilir

Energetika Materials 18 Aprel 2011 13:20 (UTC +04:00)

Azərbaycan, Bakı, 18 aprel /Trend, müxbir E.İsmayılov/

2017-ci ilə Azərbaycanda "Azəri-Çıraq-Günəşli" yataqlar blokunda dərində yerləşən qazın işlənməsi layihəsinin başlanılması gözlənilir. Trend-in məlumatına görə, bu barədə bazar ertəsi V Beynəlxalq Xəzər neft-qaz, ticarət-nəqliyyat konfransı zamanı ARDNŞ-nin birinci vitse-prezidenti Xoşbəxt Yusifzadə deyib.

Onun sözlərinə görə, layihə çərçivəsində ilkin olaraq "Çıraq" və "Günəşli" yataqlarında, sonradan isə "Azəri" yatağında işlərin görülməsi planlaşdırılır.

Dərində yerləşən qazın planlaşdırılan həcmi 200-250 milyard kubmetrə yaxındır.

2004-cü ildən Azərbaycanda qaz hasilatının həcmi beş milyard kubmetdən 5,2 dəfə araraq 2010-cu ildə 26 milyard kubmetrə çatıb.

2015-ci ilə qaz hasilatının həcminin ildə 30 milyard kubmetrə çatdırılması planlaşdırılır. Azərbaycanda neft və qazın sübut edilən ehtiyatları 2,2 trilyon kubmetr qaz və 2 milyard ton neft həcmində qiymətləndirilir. Proqnoz göstəriciləri 6 milyard şərti yanacaq təşkil edir.

Yataqlar blokunun ehtiyatı 925 milyon ton neft və 280 milyard kubmetr qaz həcmində qiymətləndirilir.

"Azəri-Çıraq-Günəşli" yataqlar blokunun səhmdarları bunlardır: BP (operator - 37,43%), "Chevron" (11,27%), AzAÇG (10%), "Inpex" (10,96%), "Statoil" (8,56%), "Exxon" (8%), TPAO (6,75%), "Itochu" (4,3%), "Hess" (2,72%).

Xəbər lenti

Xəbər lenti