Azərbaycan, Bakı, 14 noyabr /Trend, müxbir E.İsmayılov/
Yanvar-oktyabrda ARDNŞ (Azərbaycan Respublikası Dövlət Neft Şirkəti) ölkənin dövlət büdcəsinə 1,08 milyard manatdan çox vəsait ödəyib. Bu, ötən ilin müvafiq dövrü ilə müqayisədə 122,5 milyon manat çoxdur. Trend-in məlumatına görə, bu barədə bazar ertəsi ARDNŞ-nin yaydığı məlumatda deyilir.
Oktaybrda Neft Şirkəti dövlət büdcəsinə təxminən 129 milyon manat ödəyib ki, bu da 2010-cu ilin analoji dövrünə nisbətən 14,8 faiz çoxdur.
Məlumata əsasən, yanvar-oktyabrda ARDNŞ Dövlət Sosial Müdafiəsi Fonduna təxminən 111,7 milyon manat köçürüb ki, bu da ötən ilin eyni dövrü ilə müqayisədə 2,9 milyon manat (2,7 faiz) çoxdur.
Oktyabrda bu göstərici təxminən 11,65 milyon manat olub.
Noyabrın 14-nə olan rəsmi məzənnə 0,7866 AZN/USD təşkil edir.
