Azərbaycan, Bakı, 9 aprel /Trend/
Bu ilin birinci rübündə Şəmkir SES-in kaskadı proqnozlaşdırılan 205,5 milyon kilovat-saata qarşı 208,4 milyon kilovat-saat elektrik enerjisi istehsal edib. Bu barədə "Azərenerji"SC-nin (Azərbaycanda elektrik enerjisinin istehsalı və paylanması) bazar ertəsi yaydığı məlumatda deyilir.
Kaskadın tərkibinə Şəmkir və Yenikənd SES-ləri daxildir.
"İstehsal edilən elektrik enerjisinin bu həcmindən 141,8 milyon kilovat-saat Şəmkir, yerdə qalan 66,7 milyon kilovat-saat isə Yenikənd SES-in payına düşüb", - məlumatda deyilir.
Şəmkir SES-in müəyyən edilən gücü 380 meqavatt, Yenikənd SES-in isə 150 meqavatt təşkil edir.