Azərbaycan, Bakı, 4 oktyabr/Trend, müxbir E. İsmayılov/
"Ekol Mühəndislik Xidmətləri " QSC hazırda həyata keçirdiyi prioritet və irimiqyaslı ekoloji layihələrdən biri də Heydər Əliyev adına Bakı Neft Emalı Zavodu (BNEZ) və "Azərneftyağ" Neft Emalı Zavodu (NEZ), "Bakı Ağ Şəhər" layihəsi ərazisindəki köhnə sənaye obyektlərindən neftşlamın və neftlə çirklənmiş torpaqların daşınması layihəsidir.
Bu barədə Trend QSC-nin saytına istinadən məlumat verir.
QSC 2010-cu ildən başlayaraq bu layihənin icrası təqvim planına uyğun olaraq davam etdirir. Layihənin icrasını yerinə yetirən QSC-nin Torpaqların Rekultivasiyası Departamenti sentyabr ayında layihə ərazisində 103 min 65 m3-dək neftlə çirklənmiş torpaq daşıyıb, 15 min 420 m3-dək sənaye-çirkab, axıntı suları nəql edilib.
Ümumilikdə 2010-2013-cü illərdə ARDNŞ-nin Heydər Əliyev adına BNEZ və "Azərneftyağ" NEZ-in layihə ərazisindəki köhnə sənaye obyektlərindən 56 min 261 m3-dən çox neftşlam, 2 milyon 140 min 627 m3-ə qədər neftlə çirklənmiş torpaq daşınılıb, 282 min 210 m3 -dən çox sənaye-çirkab, axıntı suları nəql edilıb.