Azərbaycan, Bakı, 4 iyun /Trend, müxbir E.İsmayılov/
ARDNŞ (Azərbaycan Respublikası Dövlət Neft Şirkəti) Rusiyaya qaz ixracını bərpa edib. Trend-in məlumatına görə, bu barədə çərşənbə günü jurnalistlərə ARDNŞ-nin prezidenti Rövnəq Abdullayev bildirib.
R.Abdullayev deyib: "Bu gün Rusiyaya qazın verilişi bərpa edilib və qaz artıq ixrac edilir".
Onun sözlərinə görə, Rusiyaya qazın sutkalıq ixracı 2-2,5 milyon kubmetr təşkil edir. Şimal istiqamətindəki qaz kəmərində təmir və bərpa işləri başa çatıb.
Qaz nəqli 2014-cü ilin yanvarından dayandırılmışdı.