Azərbaycan, Bakı, 1 iyun /Trend, müxbir Maksim Tsurkov/
22-ci Beynəlxalq Xəzər Neft və Qaz Sərgisi (Caspian Oil & Gas 2015) və 5-ci Yubiley Xəzər Beynəlxalq Energetika və Alternativ Enerji Sərgisinin (Caspian Power 2015) iştirakçı şirkətlərinin 10 faizi ilk dəfə adı çəkilən sərgilərə qatılacaq.
Trend-in məlumatına görə, bunu "ITE Group" şirkətinin icraçı direktoru Edvard Stroon iyunun 2-də Bakıda açılacaq sərgilərə həsr edilmiş mətbuat konfransında deyib.
Onun sözlərinə əsasən, bu il sərgidə 27 ölkədən 315 şirkət iştirak edəcək: "Bununla belə, iştirakçıların 30 faizi azərbaycanlı şirkətlərdir, 10 faizi isə ilk dəfə iştirak edir. Yeddi milli stend təqdim ediləcək: Almaniya, Türkiyə, Rusiya, Çin, Böyük Britaniya, İtaliya və Çexiya".