Bakı. Trend:
Azərbaycan Dövlət Neft Şirkətinin (SOCAR) “Azərikimya” İstehsalat Birliyi istehsalın tam avtomatlaşdırılmasını 2023-cü ilin birinci rübündə tamamlamağı planlaşdırır.
Bunu Trend-ə “Azərikimya” İB-nin Etilen-polietilen zavodunun direktoru Oqtay Niftəliyəv deyib.
Onun sözlərinə görə, bu layihə quru qazın təmizlənməsi qurğusu, propan-propilen fraksiyasının təmizlənməsi qurğusu, etilen və propilen saxlanması üçün anbar, hidrogen istehsalı və zənginləşdirilməsi qurğularının tikintisini nəzərdə tutur.
"Layihənin reallaşdırılması etilenin illik istehsalını 100-120 min tondan 210 min tonadək, propilen istehsalını 80-90 min tondan 170 min tonadək, müəssisinin istismar müddətini isə 20-25 il artırmağa imkan verəcək", - deyə o bildirib.
O.Niftəliyev, həmçinin qeyd edib ki, layihənin reallaşdırılması "SOCAR Polymer" müəssisəsini yüksək sıxlıqlı polipropilen və polietilen istehsalı üçün xammalla təmin edəcək.
(Tərcümə: Orxan Nəbiyev)