Bakı. Trend:
2023-cü iliin birinci yarısında Cənubi Qafqaz Boru Kəmərinin (CQBK) əməliyyat xərcləri təqribən 39 milyon dollar, əsaslı xərclər isə 3 milyon dollardan çox olub.
Trend bu barədə bp-yə istinadən xəbər verir.
Qeyd edilib ki, 2022-ci ilin birinci yarısında isə CQBK-nin əməliyyat xərcləri və əsaslı xərclər müvafiq olaraq təqribən 29 milyon dollar və 2 milyon dollar olub.
Beləliklə, CQBK-də illik hesablamada əməliyyat xərcləri 34,5 faiz, əsaslı xərclər isə 50 faiz artıb.
2023-cü ilin birinci yarısında CQBK-nin ixrac üçün gündəlik orta ötürücülük gücü 2022-ci ilin birinci yarısındakı 56,9 milyon kubmetrlə müqayisədə, 6,7 faiz artaraq, illik hesablamada 60,7 milyon kubmetr olub.
Qeyd edək ki, CQBK boru kəməri 2006-cı ilin sonlarında istismara verilib və Azərbaycan, Gürcüstan və Türkiyəyə "Şahdəniz" qazını çatdırır. Cənubi Qafqaz Boru Kəmərinin genişləndirilməsi (CQBKG) sistemi ilə kommersiya qaz həcmlərinin Türkiyəyə çatdırılmasına 2018-ci ilin iyun ayında, Avropaya isə 2020-ci ilin dekabr ayında başlayıb.
Cənubi Qafqaz Boru Kəməri şirkətinin (CQBKş) sərmayədarları bunlardır: bp (operator – 29,99%), Cənub Qaz Dəhlizi (21,02%), LUKOYL (19,99%), TPAO (19,00%) və NİKO (10,0%).
(Tərcümə: Rəna Əbdürəhmanova)
Twitter: @Lyaman_Zeyn