Bakı. Trend:
İstilik təchizatı sahəsinin inkişafı ilə əlaqədar strateji sənəd üzərində iş gedir.
Trend xəbər verir ki, bunu Energetika Nazirliyinin şöbə müdiri Ələsgər Həsənov Milli Məclisin Təbii ehtiyatlar, energetika və ekologiya komitəsinin bu gün keçirilən iclasında çıxışı zamanı deyib.
O bildirib ki, bu, beynəlxalq maliyyə qurumlarının dəstəyi ilə hazırlanacaq.
“Bu sənəd sahənin perspektivini, inkişaf istiqamətləerini əhatə edəcək”, - Ə.Həsənov qeyd edib.