Bakı. Trend:
“Azərbaycan Dəmir Yolları” (ADY) Qapalı Səhmdar Cəmiyyətinin (QSC) nizamnamə kapitalı iki dəfədən çox artırılıb.
Trend-in məlumatına görə, bununla bağlı müvafiq qərar qəbul edilib.
Belə ki, ADY-nin nizamnamə kapitalı 906 061 960 manatdan iki dəfədən çox artırılaraq 1 996 077 950 manata çatdırılıb.
Qeyd edək ki, ADY Prezident İlham Əliyevin 20 iyul 2009-cu il tarixli sərəncamı ilə yaradılıb. Nazirlər Kabinetinin 15 fevral 2010-cu il tarixli qərarı ilə qurumun nizamnaməsi və strukturu təsdiq edilib.
ADY-nin qanuni təmsilçisi Rüstəmov Rövşən Mürvət oğludur.