Salyan Oil Limited (SOL) əməliyyat şirkəti "Kürsəngi-Qarabağlı" müqavilə sahəsində ikinci istismar quyusunu qazmağa başlayacaq. Bu barədə "Trendə" həmin layihənin iştirakçısı olan ARDNŞ-dən məlumat veriblər. Quyunun layihə dərinliyi 3500 metrdir.
ARDNŞ-dən bildiriblər ki, quyunun istismar olunmağa başlamasından sonra birinci mərhələdə onun suvuran quyu olduğu ehtimal edilsə də, sonradan Salyan Oil onu neft hasilatı quyu profilinə aid edib. Şirkət cari ildə ən azı 4 quyu istismara vermək niyyətindədir. Salyan Oil-un quyu fondunda 2005-ci ilin avqustun 1-də 242 quyu olub.
"Kürsəngi-Qarabağlı" yatağının geoloji ehtiyatları 100 milyn.ton neft təşkil edir, onun neftvermə əmsalı 0,2-0,3-dir. Blokun potensial neft hasil etmə ehtiyatı 25 milyn. ton xammaldır. Hazırda neft yatağının yalnız 20 %-i işlənib.
Hazırda Salyan Oil "Kürsəngi-Qarabağlı" sahəsinə aid olan "Babazənən" yatağında sonuncudan əvvəlki icbari kəşfiyyat quyusunu qazmaqda davam edir. "Layihə dərinliyi 4300 metr olan quyunun hazrıda dərinliyi 3900 metr təşkil edir.
Şirkət artıq müəyyən geoloji kəsiyə çatdığı üçün ARDNŞ qarşısında bu quyu ilə bağlı öhdəliyi yerinə yetirib ", - deyə Dövlət Neft Şirkətindən bildiriblər. SOL və ARDNŞ qazma işlərini başa çatdırdıqdan sonra zəruri təbəqənin əldə olunmasını müəyyən etmək üçün dəqiqləşdirmə işlərinə başlayacaqlar.
SOL-un podratçıları özünün iki qurğusunda işləri aparan Çinin Great Wall Drilling şirkətidir. Apreldə SOL "Kürsəngi-Qarabağlı" sahəsindəki 20-ci istismar quyusundakı təbəqədə hidropartlayış həyata keçirib. Bəzi istismar quyularında neft hasilatı iki dəfə artıb.
