Salyan Oil Limited (SOL) əməliyyat şirkəti 2006-cı ildə "Kürsəngi-Qarabağlı" müqavilə sahəsində aparılacaq işlərin planını müəyyən edib. Layihədə iştirak edən AR DNŞ-dən Trend ə verilən məlumata görə, gələn il şirkət tərəfindən müqavilə sahəsində 7 istismar və 1 kəşfiyyat quyusunun qazılması nəzərdə tutulub.
"Kəşfiyyat quyusunun qazılması AR DNŞ-lə PSA müqaviləsi üzrə vacib deyil. Layihə iştirakçılarının özləri 2005-ci ildə qazılmış 2 kəşfiyyat quyusundan əlavə daha bir quyunun qazılmasının zəruriliyi barədə qərar qəbul edib".
AR DNŞ nümayəndəsinin sözlərinə görə, 2006-cı ildə əməliyyat şirkətinin büdcəsi təqribən $50 mln təşkil edəcək. İstismar quyularının orta dərinliyi 3500 metr, kəşfiyyvat quyusunun isə 4300-4500 metr olacaq.
SOL səhmdarlarının iclasının dekabrın 9-da Bakıda keçiriləcəyi gözlənilir.