Barmek Azerbaycan (Bakı və Sumqayıt şəhərlərinin enerjipaylayıcı şəbəkəsinin operatoru) hökumətə öz təkliflərini təqdim edib.Burada şirkətin 2006-2007-ci illərdə enerjipaylayıcı şəbəkənin inkişafına $150 mln. həcmində sçərmayə qoymaq niyyəti öz əksini tapıb. Bu barədə Trend ə Barmek Azerbaycan şirkətinin prezidenti Hüseyn Arabul bildirib.
Onun sözlərinə görə, hazırda şirkətin təkliflərinə Nazirlər Kabinetində baxılır. "Hər şey hökumətin qərarından asılı olacaq. Bu proqramın gerçəkləşdirilməsi üçün bizə hökumətin icazəsi vacibdir. Biz nəzərdə tutulmuş on ilə əvəzinə iki il ərzində bu həcmdə sərmayə qoymaq niyyətindəyik" -deyə o bildirib. Əgər hökumət proqramın həyata keçirilməsi üçün icazə versə, Barmek Azerbaycan qısa vaxt ərzində bunun gerçəkləşdirilməsinə başlamaq niyyətindədir. Şirkət bu gün belə bir proqramın gerçəkləşdirilməsinə texniki baxımdan hazırdır.
H.Arabulun sözlərinə görə, hazırda şirkət Bakı ıə Sumqayıtın enerjipaylayıcı şəbəkələrinin inkişafına $60 mln. sərmayə qoyub.