...

Ryder Scott Azərbaycanın "Cənub-Qərbi Qobustan" yatağında ehtiyatların qiymətləndirilməsinə yenidən baxıb

Energetika Materials 12 Aprel 2006 16:38 (UTC +04:00)

Trend-i buradan izləyin

Neft-qaz üzrə müstəqil məsləhətçi Ryder Scott Azərbaycanın qurudakı "Cənub-Qərbi Qobustan" yatağında təsdiqlənmiş və mümkün karbohidrogen ehtiyatlarının qiymətləndirilməsinə yenidən baxıb. Trend in xəbər verdiyi kimi, layihənin iştirakçısı olan Arawak Energy şirkətinin press-relizində deyilir ki, 31 dekabr 2005-ci ildə həm təsdiqlənmiş, həm də mümkün karbohidrogen ehtiyatlarının həcmi 31 dekabr 2004-cü ildə 32485 min barelə qarşı 32863 min barel neft ekvivalentinə bərabər olub.

2005-ci ildə bu yataqda hasilat 11 min barel neft ekvivalentinə bərabər olub.

Azərbaycanda ilk sərbəst kommersiya qazı 2006-cı il fevralın 1-də hasil edilib və və əsas məhsuldar quyu "Duvannı-102" istismara verildikdən sonra hasilatın tezliklə artacağı gözlənilir. Həmçinin, əvvəlcə 4080 m dərinlikdə qazılmış "Kənizdağ-101" quyusunda da işlər davam etdirilib. Qeyd edək ki, bu quyunun dərinliyinin 4130 m-ə çatdırılmasına dair qərar qəbul edilib.

"Cənub-Qərbi Qobustan" yatağının işlənməsi ilə ARDNŞ-lə bağlanmış PSA müqaviləsi üzrə GOC əməliyyat şirkəti məşğul olur. Gobustan Operating Company-də 80% iştirak payı Commonwealth Gobustan Limited, 20% isə AORDNŞ-ə məxsusdur. Commonwealth Gobustan Limited şirkətində 37,17% iştirak payı Arawak Energy, 62,83% isə China National Petroleum Company şirkətlər qrupuna məxsusdur.

Xəbər lenti

Xəbər lenti