"Azəri-Çıraq-Günəşli" yatağının işlənməsi çərçivəsində üst tikililərin tikintisi üzrə BP-nin kontratoru McDermott şirkəti "Şərqi Azəri" platformasının üst tikilisinin dayaq blokunun quraşdırılması üçün bu ilin iyun-iyul aylarında dənizə yola salmaq niyyətindədir. Bu barədə Trend ə şirkətin tikinti meydançasının yerləşdiyi H.Əliyev adına dərin özüllər zavodundan məlumat verilib.
"AÇG" layihəsinin operatoru olan BP şirkəti "Azəri" yatağının şərq hissəsində bu ilin sonlarından hasilata başlamaq niyyətindədir ki, bu da qrafikdə əhəmiyyətli irəliləyişdir. Əvvəllər yatağın bu hissəsində hasilatın gələn ilin birinci rübündə başlanılacağı ehtimal olunurdu.
Heydər Əliyev adına Bakı dərin özüllər zavodunda "Şərqi Azəri" platforması üçün üst tikililərin hazırlanmasını qrafikə əsasən həyata keçirməkdə davam edir və bu sahədə işlər ümumilikdə 93%-ə yaxın yerinə yetirilib. Göyrətələrin hazırlanması əsasən başa çatdırılıb, bütün avadanlıqlar və qurğular göyərtədə yerləşdirilib.
