Hazırda Bakı-Tiflis-Ceyhan boru kəməri 1,1 mln. ton neftlə doldurulub. Ümumiyyətlə, kəmərin doldurulması üçün təxminən 1,4 mln. ton neft (10 mln. barel) lazımdır. Bu barədə Azərbaycan Dövlət Neft şirkətinin birinci vitse-prezidenti Xoşbəxt Yusifzadə məlumat verib.
Onun sözlərinə görə, Ceyhandan birinci neft tankeri 2006-cı il mayın sonu-iyunun əvvəlində göndəriləcək.
Yaxın bir neçə gün ərzində neft Türkiyə ərazisində 4-cü nasos stansiyasına çatacaq. Sınaqdan sonra isə Ceyhan limanına göndəriləcək.
Bu il boru kəməri ilə sutkada orta hesabla 300 min barel neft nəql ediləcək. Ancaq 2006-cı ilin sonuna bu göstərici artacaq. Belə ki, ilin əvvəlində bu həcm 300 min bareldən az idi.
