...

"Azərenerji" mütəxəssisləri Türkiyədə elektrik stansiyalarının işi ilə tanış olacaq

Energetika Materials 8 May 2006 13:25 (UTC +04:00)

"Azərenerji" SC-nin mütəxəssisləri qaz və mazutla işləyən elektrik stansiyalarının işi ilə tanış olmaq üçün Türkiyəyə yola düşəcək. Bu stansiyalar Finlandiyanın Wartsila şirkəti tərəfindən inşa edilib. Bu barədə Trend ə SC-nin vitse-prezidenti Marlen Əsgərov məlumat verib.

Bu səfər Səngəçalda yeni elektrik stansiyasının tikintisi layihəsinin gerçəkləşdirilməsi üçün müxtəlif şirkətlərin avadanlıqlarının texniki imkanlarını öyrənmək məqsədilə həyata keçirilir.

Hazırda Finlandiyanın Wartsila, Amerikanın General Electrics və Yaponiya istehsalçılarının təklifləri nəzərdən keçirilir. Variant seçildikdən sonra tikinti ilə bağlı qərar qəbul ediləcək.

Hazırda 300 MVt gücündə elektrik stansiyasının tikintisi ilə bağlı imkanlar nəzərdən keçirilir. Bu modul stansiya Azərbaycanın rayonlarında Wartsila şirkəti tərəfindən inşa edilən digər modul elektrik stansiyalarından daha çox gücə malik ola bilər.

"Azərenerji" elektrik enerjisinin istehsalı zamanı bir yanacaq növündən asılı olmaq istəmir. Buna görə də həm qaz, həm də mazutla işləyən elektrik stansiyasının tikintisi planlaşdırılır.

Yeni elektrik stansiyası respublikanın ümumi enerji sistemini təmin edəcək.

Xəbər lenti

Xəbər lenti