2006-ci ilin iyul ayı ərzində Azərbaycan Respublikası Dövlət Neft Şirkəti (Müştərək Müəssisələr və Əməliyyat Şirkətləri istisna olmaqla) 12442 metr qazma işi həyata keçirib. Trend in xəbər verdiyi kimi, bu barədə ARDNŞ-dən məlumat verilib. Bu sahədə görülən işlərin 12212 metri istismara, 230 metri isə kəşfiyyata aiddir. Ümumiyyətlə, ötən yeddi ay ərzində ARDNŞ (MM və ƏŞ istisna olmaqla) 80125 metr qazma işi həyata keçirib ki, bunun da 78995 metri istismara, 1130 metri isə kəşfiyyata aid olub.