Salyan Oil əməliyyat şirkəti "Kürsəngi-Qarabağlı" onşor yatağında istismar quyularından birinin qazılmasını başa çatdırır. Bu barədə Trend ə şirkətdən məlumat verilib.
Şirkət nümayəndələrinin sözlərinə görə, quyuların layihə dərinliyi 3200-3500 metrdir.
Yaxın vaxtlarda şirkət növbəti istismar quyusunun qazılmasına başlamaq niyyətindədir. Şirkətdən o da qeyd olunub ki, bu il ehtimal ki, nəzərdə tutulduğu kimi 8 yox, 6 quyu qazılacaq. Bu, işlərin həyata keçirilməsi zamanı yaranmış bəzi problemlərlə izah olunur.
Ehtimal olunur ki, 2006-cı ildə müqavilə sahəsində 8 quyu qazılacaq. Bunlardan 4-ü istismar, 2-si suvurma, 1-i kəşfiyyat, digər 1-i isə qiymətləndirmə quyusu kimi nəzərdə tutulur. Gözlənilən sərmayələrin həcmi təxminən $50 mln təşkil edəcək. Qazma işləri Çinin qazma podratçısı Great Wall şirkəti tərəfindən həyata keçiriləcək.