...

Azərbaycan neftinin qiyməti müxtəlif istiqamətlərdə hərəkət edib

Energetika Materials 5 Oktyabr 2006 16:52 (UTC +04:00)

Trend-i buradan izləyin

Oktyabrın 4-də AZERI LT FOB Ceyhan neftinin qiyməti $56,22/barel təşkil edib, bu isə oktyabrın 3-dəki qiymətdən $0,46/barel azdır. Ötən çərşənbə günü ilə müqayisədə AZERI LT FOB Ceyhan neftinin qiyməti $2,44/barel aşağı düşüb.

Trend xəbər verir ki, oktyabrın 4-də AZERI LT CIF Augusta neftinin qiyməti $57,55/barel təşkil edib, bu isə oktyabrın 3-dəki qiymətdən $0,37/barel azdır. Ötən çərşənbə ilə müqayisədə AZERI LT CİF Augusta neftinin qiyməti $2,22/barel aşağı düşüb.

Azeri Light növlü neft BP-nin operatoru olduğu Azərbaycanın "Azəri-Çıraq-Günəşli" dəniz yataqları blokunda hasil olunur. Neft digər növlərlə qarışdırılmadan Bakı-Tiflis-Ceyhan (BTC) boru kəməri ilə Türkiyənin Ceyhan limanına, Bakı-Supsa boru kəməri ilə Gürcüstanın Supsa limanına, dəmir yolu ilə Gürcüstanın Batumi limanına çatdırılır. Azeri Light neftinin APİ üzrə sıxlığı 34,6 dərəcə təşkil edir, tərkibindəki kükürdün miqdarı - 0,14%-dir.

Oktyabrın 4-də URAL (EX-NOVO) neftinin qiyməti $52,92/barel təşkil edib, bu isə oktyabrın 3-dəki qiymətdən $0,07/barel çoxdur. Ötən çərşənbə günü ilə müqayisədə URAL (EX-NOVO) neftinin qiyməti $1,47/barel aşağı düşüb.

Azərbaycan xammalı Bakı-Novorossiysk boru kəməri ilə gətirərək, URAL növlü nefti Novorossiysk limanından satır. Azeri Light növü daxil olmaqla, keyfiyyətli Azərbaycan nefti Rusiyanın boru kəməri sistemində digər növlərlə qarışdırılır və Novorossiysk limanından URAL nefti kimi satılır. URAL neftinin sıxlığı APİ üzrə 30,4-31,85 dərəcə təşkil edir, tərkibindəki kükürdün miqdarı - 1,8%-dir.

Oktyabrın 4-də DTD neftinin qiyməti $56,42/barel təşkil edib, bu isə oktyabrın 3-dəki qiymətdən $0,03/barel çoxdur. Ötən çərşənbə günü ilə müqayisədə DTD neftinin qiyməti $2,44/barel aşağı düşüb. DTD neftinin sıxlığı APİ üzrə 38,3 dərəcə təşkil edir, tərkibindəki kükürdün miqdarı - 0,36%-dir.

Xəbər lenti

Xəbər lenti