...

Azərbaycanın İqtisadi İnkişaf Nazirliyi "EES Rossii" RSC ilə əməkdaşlığın ehtimalını istisna etmir

Energetika Materials 5 Fevral 2007 13:58 (UTC +04:00)

Yaxın vaxtlarda Azərbaycan İqtisadi İnkişaf Nazirliyi "EES Rossii"RSC Rusiyanın enerji şirkətinin təqdimatı" sənədinin baxılmasını başa çatdıracaq.

Trend iqtisadi inkişaf naziri Heydər Babayevə istinadən xəbər verir ki, şirkətin təklifləri maraqlıdır, belə ki, o, elektrik enerjisi sahəsində, o cümlədən enerjinin generasiyası üzrə iş təcrübəsinə malikdir.

"Biz bu məsələləri nəzərdən keçiririk, lakin onlara tam işgüzar təklif kimi baxmaq vacib deyil. Bu, şirkətin özünün təqdimatıdır, lakin mən düşünürəm ki, yaxın vaxtlarda biz "EES Rossii" RSC-nin əməkdaşlıq üzrə müraciətinə bütövlükdə cavab verəcəyik", - deyə nazir hesab edir.

H.Babayev hər hansı sahələrdə əməkdaşlığın olması ehtimalını istisna etmir, belə ki, şirkət modul elektrik stansiyalarının tikintisində daha çox irəliləmiş və inkişaf etmiş təcrübəyə malikdir.

"Ölkə prezidenti bu məsələnin tezliklə həll olunmasına təkid edirdi, yəqin ki, bu, bölgələrdə elektrik enerjisi tələbatının daha tez ödənilməsinə nail olmaq üçün ən düzgün üsuldur. Yəqin ki, bu, "EES" RSC üçün də faydalı olacaq", - deyə H.Babayev bildirib.

Şirkət Azərbaycana enerji şəbəkələrinin idarəsi, generasiya edən obyektlərin çoxaldılması, Azərbaycanın Mingəçevir elektrik stansiyası, Əli-Bayramlı SES kimi belə elektrik enerjisi nəhənglərinin yenidən qurulması və müasirləşdirilməsi üzrə xidmətlər təklif edir.

Xəbər lenti

Xəbər lenti