2007-ci ilin yanvarında Naxçıvan MR enerji sisteminə 118 mln. kVt/s-dan artıq elektrik enerjisi daxil olub. Trend xəbər verir ki, bu barədə "Azərenerji" SC-nın mətbuat xidməti bildirib.
"Araz" HES muxtar respublikanın enerji sisteminə 10,271 mln. kVt/s elektrik enerjisi verib. Naxçıvan qaz-turbin stansiyası 22,776 mln. kVt/s elektrik enerjisi istehsal edib. Naxçıvan modul elektrik stansiyasında isə 2007-ci ilin ilk ayında 12,378 mln. kVt/s elektrik enerjisi istehsal edilib.
Naxçıvan MR-ə İrandan 61,997 mln. kVt/s, Türkiyədən 10,895 mln. kVt/s elektrik enerjisi daxil olub. Sutkada orta hesabla Naxçıvan MR-in enerji sisteminə İrandan 1 mln. kVt/s-dan artıq, Türkiyədən təxminən 130 min. kVt/s elektrik enerjisi daxil olur.