"Azerikimya" Dövlət Şirkətinin (DŞ) tərkibinə daxil olan "Sintezkauçuk" zavodu xammal alınması ilə bağlı tenderin vaxtını dəyişib.
Müəssisəyə istinadən Trend xəbər verir ki, istehsalatda istifadə məqsədilə 2007-ci il üçün 15 min ton sulfat turşusu alınması ilə bağlı elan edilmiş tenderin vaxtı fevralın 7-dən 28-nə keçirilib. İştirak üçün yalnız bir şirkət ərizə təqdim edib.
"Dövlət alqıları haqqında" qanunun 11-ci maddəsinə əsasən əgər tender təklifləri təqdim edən namizədlərin sayı üçdən azdırsa, təşkilat tenderin davam etdirilməsindən imtina edir və bu barədə tender barədə elan verdiyi mətbutda 5 bank günü ərzində informasiya dərc etdirir.
Tenderdə iştirakın dəyəri 200 manatdır.
