Bakı. Trend:
5 may 2023-cü il tarixindən etibarən Kapital Bankın rəhbər heyətində bir sıra dəyişikliklər olub.
Trend-in məlumatına görə, Kapital Bankın İdarə Heyətinin sədri Rövşən Allahverdiyev PAŞA Holding-in baş icraçı direktorunun müavini / Korporativ Bankçılıq və Sığorta üzrə direktor və Kapital Bankın Müşahidə Şurasının sədri vəzifələrinə təyin edilmişdir.
Bununla yanaşı, Kapital Bankın İdarə Heyətinin I-ci sədr müavini Fərid Hüseynov Kapital Bankın İdarə Heyətinin sədri vəzifəsinə təyin edilmişdir.
Qeyd edək ki, Rövşən Allahverdiyev 2007-ci ildə PAŞA Bankın İdarə Heyətinin sədr müavini olaraq, Fərid Hüseynov isə 2015-ci ildə Kapital Bankın baş əməliyyat inzibatçısı olaraq PAŞA Qrupa qoşulmuşdurlar.
