Azərbaycan, Bakı / Trend müxbir S.Babayeva/ Cümə axşamı agentlikdən verilən xəbərə görə, Azərbaycanın Standartlaşdırma, Metrologiya və Patentlər üzrə Dövlət Agentliyi üçün treninqlər keçirilməsi məqsədilə İSO (İnternational Organization for Standardization) mütəxəssislərinin Bakıya səfəri gözlənilir. Ekspertlər dekabrın 2-dən 6-dək Bakıda olacaqlar və dövlət agentliyi əməkdaşlarının informasiya texnologiyalarından istifadə bacarıqlarının peşəkarlıq səviyyəsi ilə tanış olacaq, standartlaşdırmanın elektron sistemi üzrə biliklərin artırılmasına yardım edəcək, daxili məlumat bazasından istifadə üzrə agentliyin əməkdaşları üçün treninqlər keçirəcəklər. İSO-nun baş katibi Alen Brayden bu ilin martında Bakıya səfəri zamanı İSO-nun yüksək ixstisaslı kadrların hazırlanmasında Azərbaycana yardım göstərməyə hazır olduğunu bildirmişdi. Azərbaycan 2003-cü ildən İSO-nun tam hüquqlu üzvüdür.
...
