Azərbaycan, Bakı, 20 fevral / Trend , müxbir S.Babayeva / Şənbə günü Azərbaycanın rabitə və informasiya texnologiyaları nazirinin müavini İltimas Məmmədov Azərbaycan nümayəndəliyinin tərkibində Yaponiyaya səfər edəcək, - dövlət idarəsindən bildirirlər.
Səfərin məqsədi Azərbaycan və Yaponiya arasında iqtisadi əməkdaşlıq üzrə Dövlət Komissiyası və Azərbaycan-Yaponiya iqtisadi əməkdaşlıq üzrə Komitənin beşinci birgə iclasında iştirak etməkdir. İclas fevralın 25-26-da baş tutacaq.
Azərbaycan nümayəndəliyinə Baş nazirin müavini Abid Şərifov başçılıq edəcək.
Yaponiya tərəfindən komissiyanı Yaponiyanın "Itochy Corporation" şirkətinin vitse-prezidenti Yokota Akira başçılıq edəcək.
Əvvəlki iclas 2006-cı ilin noyabrında Bakıda keçirilib. İclasda iqtisadi əlaqələrin genişlənməsi və dərinləşdirilməsi üzrə razılıq əldə edilib. Azərbaycan tərfi Yaponiyaya dəmir yolu və avtomobil yolu tikintisinin maliyyələşdirməsini, ölkən regionlarının su təchizatı və kanalizasiya sistemi, kənd təsərrüfatı, bərk tullantıların emalı, işgüzar dairənin dəstəyi, kondisioner istehsalının təşkili ilə bağlı problemləri həll etməyi təklif edib. Yaponiya energetika sektoruna dəstəyini davam etmək niyyətindədir.
Azərbaycanda kapital qoyuluşunun həcminə görə Yaponiya aparıcı mövqelərdədir. Gələcəkdə bu daha da yüksələcək, çünki təklif olunan layihələr böyük investisiya tələb edir. Su təchizatı və kanalizasiya sistemlərinin bərpasına təxminən $300 mln., yol tikintisi - $200-300 mln., dəmir yolu - $150-200 mln., "Bakı kondisioneri" - $100 mln. lazımdır.
2007-ci ildə Yaponiya xətti ilə Azərbaycana təxminən $400 mln. kapital yatırılıb.
