Azərbaycan, Bakı, 01 sentyabr/ Trend , müxbir S.Babayeva/ Payızda Azərbaycanın dövlət idarələri və qurumları ölkənin iyulda qoşulduğu beynəlxalq "Kibercinayətkarlıq haqqında Konvensiya"nın müzakirəsi üçün seminarda görüşəcəklər.
Cari ilin iyulunda Strasburqda Azərbaycanın rabitə və informasiya texnologiyaları naziri Əli Abbasov və Avropa Şurasının Baş katibi Terri Devis arasında ölkənin Konvensiyaya qoşulması haqqında saziş imzalanıb.
Rabitə və İnformasiya Texnologiyaları Nazirliyindən bazar ertəsi bildiriblər ki, seminarın məqsədi Konvensiya üzrə planların müzakirəsi, mövcud normativ-hüquqi bazanın bu sənədin şərtlərinə uyğun dəyişdirilməsidir.
"Bu böyük işdir və onun icrası üçün bütün maraqlı təşkilatların cəmləşməsi zəruridir", - Rabitə Nazirliyindən bildiriblər.
Dövlət idarəsində seminarın keçiriləcəyi tarixi hələ müəyyən etməyiblər.
"Kibercinayətkarlıq haqqında Konvensiya" 2004 - cü il iyulun 1- də qüvvəyə minib. O, İnternetdə və digər kompüter şəbəkələrində edilən cinayətkarlıq məsələləri üzrə birinci beynəlxalq müqavilədir və eləcə də, müəllifhüquqları və qarışıq hüquqların pozulmasına baxır.
Milli ekspertlərin rəyinə görə, ölkənin "Kibercinayətkarlıq haqqında Konvensiya"ya qoşulması Azərbaycanın İnternet - resurslarına müdaxilə məsələsinin beynəlxalq səviyyədə həllinə müsbət təsir edə bilər.
