Azərbaycan, Bakı, 23 dekabr/ Trend , müxbir S.Babayeva/ Azərbaycanın Rabitə və İnformasiya Texnologiyaları Nazirliyi İnternet-resursların müdafiəsi üçün öz balansında struktur yaratmağı təklif edir, - idarədən çərşənbə axşamı bildiriblər.
"Bu məsələ nəzərdən keçirilmək üçün hökumətə təqdim edilmiş təkliflər paketinə daxil edilib", - Rabitə Nazirliyindən qeyd ediblər.
Struktur, kompüter hadisələrinə reaksiya komandasına (CERT - Computer Emergency Response Team) bənzər olacaq.
Təkliflərə strukturun yaradılması üçün bütün əsas məlumatlar daxildir və onun ştatında 15-20 əməkdaşın olacağı gözlənilir", - nazirlikdən bildiriblər.
"bu gün təklif hökumətin müzakirəsindədir və biz [Rabitə Nazirliyi]onun qərarını gözləyirik", - idarədən vurğulayıblr.
Kompüter hadisələrinə reaksiya komandası (CERT) kompüter sahəsində fövqəladə vəziyyətə tez reaksiya verməyə hazır ekspertlərdən ibarət qrupdur.
CERT komandası, adətən, sistem və şəbəkə administratorları, informasiya təhlükəsizliyi üzrə ekspertlərdən ibarət olur.
