Azərbaycan, Bakı, 19 may / Trend , müxbir S.Babayeva /
Azərbaycan Nazirlər Kabineti 2008-ci ildə Rabitə və İnformasiya Texnologiyaları Nazirliyinin nəzdində Yüksək Texnologiyalar üzrə Tədqiqat Mərkəzinin Əsasnaməsini təsdiq edib. Mərkəz ölkədə informasiya texnologiyaları sahəsində nanotexnologiyaların inkişafı məqsədi ilə yaradılıb.
Qərara əsasən, mərkəzin ştatı 23 nəfərdən ibarət olacaq.
Bakıda yerləşən mərkəz hüquqi şəxsdir, dövlət əmlakına, müstəqil balansa, xəzinə hesabı, dairəvi möhürə malikdir və öz adından razılaşma imzalamaq hüququ var. Mərkəz Rabitə və İnformasiya Texnologiyaları Nazirliyi tərəfindən təsdiq edilmiş perspektivli planına malikdir və ildə bir dəfədən az olmayaraq nazirlik qarşısında hesabat verməlidir.
Mərkəzin məqsədi innovasiya, elmi-texniki fəaliyyət sahəsində təcrübələrin keçirilməsi, Azərbaycanda elm, texnika və texnologiyaların inkişafı istiqamətində işlərin aparılmasından ibarətdir.
Mərkəzin ştat cədvəli Rabitə və İnformasiya Texnologiyaları Nazirliyi tərəfindən təsdiq edilir.
Mərkəzin maliyyə mənbələri dövlət büdcəsi və qanunvericilik tərəfindən nəzərdə tutulmuş digər mənbələrdir.
Məqalə müəllifi ilə əlaqə ünvanı: [email protected]