Azərbaycan, Bakı, 07 sentyabr / Trend müxbir Q.Vəliyev/
Azərbaycan Rabitə və İnformasiya Texnologiyaları Nazirliyi (RİTN) 3G standartında xidmət göstərmək üçün lisenziyanın verilməsi üzrə əlavə şərtləri təyin edib və baxılması üçün hökumətə təqdim edib. Trend -a nazirliyin tənzimləmə şöbəsinin müdiri Əliyar Tamirov deyib.
Tamirovun sözlərinə görə, idarə tərəfindən hazırlanmış şərtlər yaxın vaxtlarda elan ediləcək.
Xüsusi lisenziya tələb edən xidmətlər siyahısına 3G standartı üzrə xidmətlər üçün lisenziyanın daxil edilməsi haqqında Azərbaycan Prezidenti İlham Əliyevin fərmanı avqustun 7-də dərc olunub.
Lisenziyanın hökumət tərəfindən qoyulan rəsmi dəyəri 11 000 manatdır.
Hökümət tərəfindən təsdiq olunan sənəd ilk növbədə radiotezliklərin ayrılması, radiotezlik vasitələrindən istifadə üçün lisenziyanın verilməsi, radioelektron vasitələrdən istifadə etmək hüququ və respublika ərazisində onlardan istifadə imkanlarının təyin olunması üçün əsas bazadır.
Hazırda üçüncü nəsil standartının tətbiq olunması üçün operatorlar tərəfindən LTE və UMTS texnologiyaları nəzərdən keçirilir.
Rabitə və İnformasiya Texnologiyaları Nazirliyi hazırda abonentlərin 3G xidmətlərindən istifadəsi üçün qanun layihəsinin hazırlanması məsələsinə baxır. Nazirlikdən deyilənə görə, ölkədə 3G xidmətləri sahəsində qanunvericilik tətbiq olunarsa, abonentlərə xidmət mərkəzlərinin lazımi avadanlıqlarla təmin olunması üzrə texniki məsələlərin həlli çox vaxt aparmayacaq. Nəticədə isə 3G xidmətləri qısa müddət ərzində bütövlükdə tətbiq olunacaq.
Tezlikli nizamlama 3G lisenziyasını almaq üçün müsabiqənin keçirilməsində çətin məqamlardan biridir. Müsabiqənin keçirilməsi üçün ilk növbədə, ITU (International Telecommunication Union) tərəfindən 2 GHz. diapazonunda eyniləşən radiotezlik zolaqlarından istifadə şərtlərini təyin etmək lazımdır.
Milli operatorlar hələ 2006-cı ildə yeni nəsil şəbəkələrin genişləndirməsinə hazırlıqları barədə məlumat veriblər. Lakin hər şey dövlətin nə zaman lazımi radiotezlik ehtiyatı ayıracağı və lisenziya verəcəyi ilə bağlı idi. Lisenziya verməyi isə hər üç GSM operatoru (Bakcell, Azercell və Azərfon) planlaşdırıb.
Mövcud şəbəkələrin indiki ehtiyat məhdudluğu yeni xidmətlərdə abonentlərin tələbatını ödəməyə imkan vermir. Bu baxımdan bazar iştirakçıları yeni nəsil məlumat-rabitə xidmətləri bazarının yaranmasına şərait yaradaraq, məlumatların və multimediyanın yüksək sürətlə ötürülməsini təmin edən üçüncü nəsil texnologiyalarına keçməkdə perspektiv görürlər.
Məqalə müəllifi ilə əlaqə ünvanı: [email protected]