Azərbaycan, Bakı, 11 sentyabr / Trend , müxbir Q.Vəliyev /
Azərbaycan və Rusiya sərhəd ərazilərində GSM tezliklərinin koordinasiyası məsələsini razılşadırıblar, bu barədə Trend -a Rabitə və İnformasiya Texnologiyaları Nazirliyinin telekommunikasiya şöbəsinin baş məsləhətçisi Qulam Abdullayev bildirib.
Abdullayevin sözlərinə əsasən, bu münasibətlə Moskvada sentyabrın 7-9-da təşkil olunan tədbirdə Azərbaycan (Azərcell, Bakcell və Azərfon) və Rusiyanın (MTS, Meqafon və Beeline) mobil rabitə operatlarının nümayəndələri iştirak ediblər.
Radiotezlik resurslarının koordinasiyasının əsas məqsədi onların kəsişməsi hallarının aradn qaldırılması və sərhəd ərazilərində mobil rabitənin normal funksiya göstərməsinin təmin edilməsidir.
Görüşün yekunlarına əsasən, iki ölkə operatorlarının tezlik resurslarının bərabər səviyyədə istifadə məsələləri razılaşdırılıb. GSM operatorlar üçün konkret tezlik resurlsarı (900 və 1800 Mhz) müəyyən edilib ki, digər tərəf həmin tezliklərdən istifadə edə bilməz. Görüşün yekunlarına əsasən, tərəflər arasında protokol imzalanıb. Analoji protokol bu gün İran və Gürcüstan arasında da imzalanıb.
Məqalə müəllifi ilə əlaqə ünvanı: [email protected]