...

Azərbaycanın internet provayderləri online ödəmə sistemi tətbiq edirlər

Telekommunikasiya Materials 21 Sentyabr 2009 14:30 (UTC +04:00)

Azərbaycan, Bakı, 21 sentyabr / Trend , müxbir H.Vəliyev /

Avirtel, Connect və AdaNet provayderlərinin internet istifadəçiləri xidmət haqlarını online rejimində ödəyə biləcəklər. Bu barədə Trend -a SilverKey şirkətindən bildiriblər.

Sistem test rejimindədir və yaxın zamanlarda tam istifadəyə veriləcək. İnternet istifadəçiləri ödəmələri provayderlərin internet saytlarından Visa İntenational və Master Card beynəlxalq ödəmə sistemi plastik kartları vasitəsilə həyata keçirə biləcəklər.

Ödəmələr Milli kart prosessinq mərkəzi vasitəsilə həyata keçiriləcək. Təhlükəsizliyin gücləndirilməsi üçün 3DSecure internet-tranzaksiya işləmə protokolu istifadə edilir.

3DSecure təhlükəsizlik standartı Visa və MasterCard tərəfindən internet şəbəkəsində kartla təhlükəsiz hesablaşma servislərinin işlənməsi üçün istifadə olunub. Visada bu servis "Verified by Visa", MasterCard-da "MasterCard SecureCode" adlanır. 3DSecure texnologiyası ödəmə təhlükəsizliyinin qabaqcıl standartıdır və fırıldaqçılıq riskini sıfıra endirir.

Məqalə müəllifi ilə əlaqə ünvanı: [email protected]

Xəbər lenti

Xəbər lenti