Azərbaycan, Bakı, 16 fevral / Trend , müxbir H.Vəliyev/
Azərbaycanın birinci provayderi internet şəbəkəsinin cinayətkarlara qarşı dayanıqlılığını artırır. Bunu Delta Telekom şirkətinin texniki direktoru Rahid Ələkbərli Trend -a deyib.
Onun sözlərinə görə, cinayətkarlar internet şəbəkəsinə tez-tez hücum edirlər. Bununla əlaqədar olaraq, şirkət müdafiənin təkmilləşdirilmiş sisteminin tətbiqinə üz tutub. Sistem bir neçə dəqiqə ərzində hücumu aşkar edərək dəf edə bilir.
Delta Telekom şirkəti 2004-cü ildən bəri öz şəbəkə infrastrukturunun səmərəli müdafiəsinin yaradılması ilə məşğul olur. Ələkbərlinin sözlərinə görə, bunun nəticəsində də magistral şəbəkənin DoS-hücumlardan dayanıqlılığı artıb. Delta Telecom şirkətinin kompleks müdafiəsi arzuolunmaz halları aradan qaldırmağa və onları başlanğıc mərhələdə mühasirəyə almağa, həmçinin serverin işini ən qısa müddətdə minimum itkilərlə bərpa etməyə kömək edir.
Şirkət hücumların öyrənilməsi üzrə qrup yaradıb. Onların əsas vəzifəsi internet texnologiyasının inkişafı, AzNET şəbəkəsinin aktiv işləyən müdafiəsinin qurulmasıdır. Komanda onların tətbiqi üzrə müasir texnologiyalara və uğurlu təcrübəyə malikdir.
Dünya təcrübəsində DoS-hücumlarla müdafiə infrastrukturunun saxlanması ayda on minlərlə dollara başa gəlir ki, bunu da yalnız iri internet layihələri və provayderləri edə bilər.