Azərbaycan, Bakı, 11 avqust /Trend, müxbir H.Vəliyev/
Sentyabrda AZQTEL şirkətinin WiMAX simsiz şəbəkəsi Abşeron yarımadasının bütün ərazisini əhatə edəcək. Bu barədə Trend-ə şirkətdən çərşənbə günü məlumat verilib.
Bu gün baza stansiyasının quraşdırılması üzrə işlər başaçatma mərhələsindədir ki, bu da göstərilən ərazinin yaxınlığındakı yaşayış məntəqələrində də radioməkanı təmin etməyə imkan verəcək.
Sentyabrda şirkət WiMAX protokolunu dəstəkləyən USB-modemlərinin növbəti partiyasını almağı planlaşdırır.
Əlaqənin sürəti və keyfiyyəti siqnalın gücündən və baza stansiyasının yerləşdiyi məsafədən asılıdır. AZQTEL şirkətinin WiMAX şəbəkəsi bu gün paytaxtın bütün ərazisini əhatə edib.
WiMAX texnologiyası İnternet şəbəkəsinə simmetrik simsiz genişzolaqlı radiogirişin təşkilinə, eləcə də orta və alçaq tikililərdə simli ADSL girişinə, yaxud da digər girişlərə qoşulmaq mümkün olmayan rayonlarda bölünmüş lokal şəbəkələrin qurulmasına istiqamətləndirilib.
WiMAX şəbəkələri mobil rabitə şəbəkələrindəki prinsiplərə əsaslanır. Lakin onlardan fərqli olaraq, WiMAX baza stansiyası buraxılış gücü ilə 30 km-dən çox radiuslu ərazidə genişzolaqlı rabitəni təmin edir. Bunu kabellə qoşulma ilə - 100 mbit/san. ilə müqayisə etmək olar.
