Azərbaycan, Bakı, 20 avqust /Trend, müxbir H.Vəliyev/
Azərbaycan Regional Rabitə Əməkdaşlığı (RRƏ) üzvü olan ölkələrdə rəqəmli yerüstü teleyayımların tətbiqi planlarının müzakirəsində iştirak edəcək. Bu barədə Rabitə və İnformasiya Texnologiyaları Nazirlyinin Dövlət Radiotezlikləri İdarəsinin məlumatında deyilir.
Məsələyə avqustun 24-25-də Qırğızıstanda keçiriləcək ITU (International Telecommunication Union) "Rəqəmli yayımın reallaşdırılması" adlı seminarın gedişində baxılacaq.
İclas iştirakçıları rəqəmli yayımın təcrübə zonalarında keçirilən sınaqların nəticələrinə də baxacaqlar. İclasda tezliklərin verilməsi koordinasiyası üzrə məsələyə baxılacağı gözlənilir.
Avqustun 27-də Azərbaycan nümayəndə heyəti rəqəmli yayım üzrə əlaqələndirmə qrupunun 12-ci iclasının işində iştirak edəcəklər.
Azərbaycanda rəqəmli yayım üçün 174-230 mhz diapazonu fəaliyyət göstərir, 6-12 kanalı əhatə edir.
