Azərbaycan, Bakı, 23 avqust /Trend, müxbir H.Vəliyev/
"Delta Telecom" şirkəti (ilkin provayder) sentyabrın 1-dən Azərbaycanda internet xidmətlərinin provayderləri üçün tarifləri azaldır. Bu barədə Trend-ə şirkətin texniki direktoru Rahid Ələkbərli məlumat verib.
Onun sözlərinə görə, ümumi kanal tutumu 100Mb/s-dən çox olan İSP-lər sentyabrın 1-dən əlavə aldıqları hər 1 Mbps üçün aylıq 50 manat vəsait ödəyəcəklər.
Aksiyada yalnız şirkətə borcu olmayan provayderlər iştirak edə bilərlər. "Delta Telecom"un keçirdiyi aksiyada əsas məqsəd Azərbaycanda provayderlər tərəfindən son müştərilərə göstərilən internet xidmətlərinin keyfiyyətinin yüksəldilməsidir.