Azərbaycan, Bakı, 29 oktyabr /Trend, müxbir H.Vəliyev/
Telefon şəbəkəsində Call-mərkəzlərin ümumi istifadəsinin təşkili və intellektual xidmətlərin tətbiqi üçün Azərbaycan Rabitə və İnformasiya Texnologiyaları Nazirliyi tərəfindən 13 üçmənalı prefiks ayrılıb. Bu barədə cümə günü nazirlikdən verilən məlumatda deyilir.
Məlumata əsasən, stasionar rabitə operatorları, həmçinin, 70 min prefiks alıb, altı milyon prefiks mobil rabitə şəbəkəsində istifadə üçün və 30 min prefiks CDMA kabelsiz rabitə xidməti üçün ayrılıb.
Azərbaycan telekommunikasiya operatorları prefikslərinin beynəlxalq operator şəbəkələrində identifikasiyası məqsədilə nazirlik Beynəlxalq Telekommunikasiya Birliyinin (İTU) telekommunikasiya standartlaşdırılması üzrə büroya müraciət edib.
Nazirlikdən verilən məlumata görə, nazirliyin rəsmi müraciətində abunəçilərin narazılığına səbəb olan Azərbaycan stasionar və mobil rabitə operatorları nömrələrinin yığılması ilə bağlı problemlər də nəzərdə tutulub. Nazirliyin müraciəti, həmçinin, İTU-nun 217 üzv ölkəsində fəaliyyət göstərən 357 operatora yazılı şəkildə ünvanlanıb.