Azərbaycan, Bakı, 11 noyabr /Trend/
"Azercell Telekom" MMC şirkəti biznez aləmində çox nüfuzlu və tanınmış "İnternational Star" mükafatına layiq görülüb.
Keyfiyyət üçün "International Star" mükafatı B.İ.D. (Business Initiative Directions) təşkilatı tərəfindən təsis edilib. B.I.D. dünyanın müxtəlif ölkələrində fəaliyyət göstərən şirkətlərin idarəetmədə əldə etdiyi uğurlara görə "İnternational Star" mükafatını təqdim edir.
Qurum həmçinin, yeni texnologiyaların inkişafı, avadanlığın təkmilləşdirilməsi və işçi heyətin təlimləndirilməsi istiqamətinə də önəm verir.
Mükafatın təqdimatı şirkət və təşkilatların nüfuzunun artmasına, onların bütün dünyaya tanıdılmasına xidmət edir.
"İnternational Star" mükafatı 1996-cı ildən təqdim edilir.
İndiyə kimi bu mükafat dünyanın 178 ölkəsindən olan şirkətlərə verilib. Bu dəfə Keyfiyyətə görə mükafat 54 ölkəni təmsil edən şirkətlərə təqdim olunub. Azərbaycanı təmsil edən "Azercell Telekom" MMC adından mükafatı şirkət prezidentinin baş müşaviri, Hüquq və İdarə İşləri şöbəsinin rəhbəri Vahid Mürsəliyev qəbul edib. Mürsəliyev çıxışında təşkilatçılara minnətdarlığını bildirərək, qeyd edib: "Azercell Telekom" 4 milyondan artıq abunəçisi və təqribən 60 faizə yaxın bazar payı olmaqla Azərbaycanda mobil rabitə xidməti göstərən ən böyük mobil rabitə operatorudur. Şirkətimiz ölkə əhalisinin 99,8 faizini əhatə edərək, onları yüksək keyfiyyətli mobil rabitə ilə təmin edir. Eyni zamanda, şirkətimiz ölkəyə ən son telekom texnologiyalarının gətirilməsində və tətbiqində də aparıcı rol oynayır. Azərbaycan şirkətinin bu ada layiq görülməsi bizim üçün qürur mənbəyidir və inanırıq ki, şirkətimizin fəaliyyətinə verilən yüksək qiymətdir".