Azərbaycan, Bakı, 29 dekabr /Trend, müxbir H.Vəliyev/
BMT İnkişaf Proqramı (UNDP) Azərbaycanın Dövlət Sərhəd Xidməti üçün kompüter avadanlıqlarının alınması üzrə tender elan edib. Bu barədə çərşənbə günü UNDP-nin məlumatında deyilir.
Tender stolüstü və portativ kompüterlərin, telekommunikasiya avadanlıqlarının, proqram təminatının və ofis periferiyasının alınmasını nəzərdə tutur.
İştirakçıların təklifləri yanvarın 13-dək iş günləri ərzində BMT-nin Azərbaycandakı nümayəndəliyində (Bakı, BMT-nin 50 illiyi küçəsi, 3) qəbul edilir.
Əlavə məlumat üçün 498-98-88 telefonu ilə müraciət etmək olar. Əlaqəçi şəxs: Məzahir Əfəndiyev ([email protected]).
