...

Azərbaycan sinxron səs yayım şəbəkələrinin radiotezliklərindən istifadə məsələlərini müzakirə edəcək

Telekommunikasiya Materials 16 İyun 2011 18:01 (UTC +04:00)

Trend-i buradan izləyin

Azərbaycan, Bakı, 16 iyun /Trend, müxbir H.Vəliyev/

Azərbaycan Rabitə və İnformasiya Texnologiyaları Nazirliyinin Dövlət Radiotezliklər İdarəsi (DRİ) Regional Rabitə Birliyinin iştirakçı ölkələrinin orta və uzun dalğalar diapazonunda sinxron səs yayım şəbəkələrinin radiotezlik resurslarından istifadə məsələlərini müzakirə edəcək. Bu barədə cümə axşamı Trend-ə DRİ-nin baş mühəndisi İlham Əfəndiyev deyib.

Məsələyə işçi qrupunun iyunun 21-24-də Astanada keçiriləcək növbəti iclası zamanı baxılacaq.

Əfəndiyevin sözlərinə görə, işçi qrupu 234, 243, 576, 594, 612, 675, 810, 936, 972, 1071 və 1070 kHz tezliklərində işləyən plandankənar ötürücü qurğular haqqında informasiyanın təhlilini aparacaq.

Sadalanan tezliklər arasında Azərbaycanda yalnız bir - 612 kHz tezliyi qeydiyyatdan keçib. O, əvvəllər sinxron yayım üçün ayrılıb.

Növbəti mərhələlərdə maneələrin aradan qaldırılması üçün yanaşma və kriteriyaların, texniki təkliflərin həyata keçirilməsi və onların razılaşdırılması imkanlarının müəyyənləşdirilməsi gözlənilir.

Xəbər lenti

Xəbər lenti