Azərbaycan, Bakı, 6 iyul /Trend, müxbir H.Vəliyev/
İlin sonunadək Azərbaycanın mobil rabitə operatorunun baza stansiyalarının sayı 500 ədəd artırılacaq. Bu barədə çərşənbə günü Trend-ə "Azerfon" şikətinin korporativ əlaqələr üzrə meneceri Elşad Fərzəliyev deyib.
Fərzəliyevin sözlərinə görə, "Azerfon" MMC-nin baza stansiyalarının sayı hazırda 1500-ə çatır.
"Avadanlıq tədarükçüsü Nokia Siemens Networks şirkətidir və onunla imzalanan müqaviləyə əsasən, "Azerfon" şikrəti şəbəkəsinin genişləndirilməsi və modernləşdirilməsinə 65 milyon dollardan çox investisiya yatıracaq. Bu istiqamətdə işlər artıq ilin sonuna başa çatmaldıır", - o qeyd edib.
Bu, öz növbəsində operatorun abonent bazasının genişləndirilməsinə də öz təsirini göstərəcək. Fərzəliyevin sözlərinə görə, bu, artıq ilin sonuna 2 milyona çata bilər. Hazırda bu rəqəm 1,7 milyondur.
"Azerfon" şirkətinin nümayəndəsi Əziz Axundovun sözlərinə görə, hazırda Azerfon-un üçüncü nəsil rabitə standartını dəsətəkləyən bütün baza stansiyaları artıq LTE (Long Term Evolution) standartı əsasında tam modernləşdirilib.
LTE şəbəkəsində miqrasiya eyni vaxtda əlavə komponentlərin quraşdırılması və proqram təminatının yenilənməsi ilə baş verir. Bu, operatora xərcləri xeyli azaltmağa imkan verir.