Azərbaycan, Bakı, 14 yanvar /Trend, müxbir H.Vəliyev/
Azərbaycan Rabitə və İnformasiya Texnologiyaları Nazirliyi yanında Yüksək Texnologiyalar üzrə Tədqiqatlar Mərkəzi informasiya-kommunikasiya texnologiyaları sahəsi üçün infraqırmızı işıq diodlarının istehsalına başlayacaq. Bu barədə şənbə günü Trend-ə mərkəzdən məlumat veriblər.
İnfraqırmızı işıq diodları optik kabel üzrə ötürülən siqnalları formalaşdıran qismində istifadə ediləcək. Belə ki, onlar optik lifli xətlər üçün münasib şüalanma mənbələridir.
İnfraqırmızı işıq diodlarının istehsalına ikinci rübün sonunda başlamaq planlaşdırılır.
Əvvəllər AZENCO tikinti-montaj şirkətindən verilən məlumata görə, optik naqillərin istehsalı Sumqayıt Texnoloji Parkının (STP) bazasında həyata keçiriləcək. STP-nin məlumatlarına əsasən, telekommunikasiya təyinatlı kabellərin istehsalı 2012-ci ilin sonunda təşkil ediləcək.
STP artıq Azərbaycanın telekommunikasiya bazarının iri iştirakçıları tərəfindən sifarişlər alıb.