...

Kosmik Məsələlər üzrə Şuranın növbəti toplantısı keçirilib (FOTO)

Telekommunikasiya Materials 19 Dekabr 2012 17:25 (UTC +04:00)
Bu gün Milli Aviasiya Akademiyasında Kosmik Məsələlər üzrə Şuranın növbəti - üçüncü iclası keçirilib.
Kosmik Məsələlər üzrə Şuranın növbəti toplantısı keçirilib (FOTO)

Trend-i buradan izləyin

Azərbaycan, Bakı, 19 dekabr /Trend, müxbir H.Vəliyev/

Bu gün Milli Aviasiya Akademiyasında Kosmik Məsələlər üzrə Şuranın növbəti - üçüncü iclası keçirilib.

Rabitə və İnformasiya Texnologiyaları Nazirliyindən Trend-ə verilən məlumata görə, iclasda Şuranın sədri akademik Arif Paşayev, rabitə və informasiya texnologiyaları naziri Əli Abbasov, maliyyə naziri Samir Şərifov, nəqliyyat naziri Ziya Məmmədov, müdafiə sənayesi naziri Yavər Camalov, Dövlət Torpaq və Xəritəçəkmə Komitəsinin sədri Qərib Məmmədov, Azərbaycan Prezidentinin yanında Ali Attestasiya Komissiyasının sədri Arif Mehdiyev, Azərbaycan Diplomatik Akademiyasının rektoru Hafiz Paşayev və digər aidiyyətli qurumların nümayəndələri iştirak ediblər. Eyni zamanda, Şuranın budəfəki iclasında Azərbaycanın Kosmik Proqramının məsləhətçisi, akademik Roald Saqdeyev də iştirak edib.

Kosmik Məsələlər üzrə Şuranın sədri akademik Arif Paşayev iştirakçıları salamlayaraq kosmik sənayenin yaradılmasının və ilk telekommunikasiya peykinin orbitə çıxarılmasının respublika üçün xüsusi əhəmiyyət kəsb etdiyini qeyd edib və bu istiqamətdə aparılan işlərə dair öz fikirlərini bildirib.

"Azərkosmos" ASC-nin sədri Rəşad Nəbiyev "Azərbaycan Respublikasında kosmik sənayenin yaradılması və inkişafı üzrə Dövlət Proqramı"nın icra vəziyyəti, ilk telekommunikasiya peykinin hazırlanması və orbitə çıxarılması, orbital mövqelərin qeydiyyatı və koordinasiyası üzrə aparılan işlər barədə geniş məlumat verib, kommunikasiya peykinin artıq orbitə çıxarılması üçün tam hazır vəziyyətə gətirildiyini qeyd edib və həyata keçirilən aşağı orbitli peyk sistemlərinin yaradılması ilə bağlı hesabat verib.

Azərbaycan Diplomatik Akademiyasının məzunu Taleh Ziyadov "Azərbaycan Avrasiyada nəqliyyat və loqistika mərkəzi kimi" mövzusunda çıxış edərək, ölkənin qeyri-neft sektorunun, o cümlədən nəqliyyat və informasiya texnologiyalarının inkişafını vurğulayıb, gələcəkdə Azərbaycanın regional və qlobal nəqliyyat mərkəzinə çevrilə biləcəyi ilə bağlı araşdırmanı təqdim edib.

Cıxış və müzakirələrdən sonra Şuranın sədri, akademik Arif Paşayev iclası yekunlaşdırıb, növbəti iclasda müzakirə olunacaq məsələlərlə bağlı fikir və tövsiyələrini bildirib.

Sonda anadan olmasının 80 illiyi və Azərbaycanın beynəlxalq elmi əlaqələrinin möhkəmləndirilməsində xüsusi xidmətinə görə respublika Prezidenti tərəfindən "Dostluq" ordeni ilə təltif olunması münasibətilə akademik Roald Saqdeyev təbrik edilib.

Qeyd edək ki, 2010-cu il may ayının 3-də Azərbaycan Prezidentinin sərəncamı ilə "Azərkosmos" Açıq Səhmdar Cəmiyyəti təsis edilib.

Məqalədə:
Xəbər lenti

Xəbər lenti