...

Azərbaycanın internet seqmentində fişinq-hücumların sayı azalıb

Telekommunikasiya Materials 31 May 2013 12:02 (UTC +04:00)
AzNET seqmentində real fişinq-insidentlərin sayı 11,1 faiz azalıb.

Azərbaycan, Bakı, 31 may /Trend, müxbir H.Vəliyev/

AzNET seqmentində real fişinq-insidentlərin sayı 11,1 faiz azalıb. Trend-in məlumatına görə, bu barədə cümə günü "Netcraft" analitik şirkətinin hesabatında deyilir.

Hesabata əsasən, Azərbaycanda hər 2168 saytın (.az domenində) payına fırıldaqçılar üçün bir səmərəli fişinq-hücum düşür. Hücumlar bu və ya digər halda pul və ya istifadəçinin şəxsi məlumatlarını əldə etmək məqsədi daşıyır.

Təhlil "MozillaFirefox" və "InternetExplorer" brauzerləri üçün modul olan "NetcraftToolbar" proqramı əsasında hazırlanıb. Proqram istifadəçini potensial təhlükəli internet-resurslar, eləcə də fişinq-hücumların qarşısının alınması barədə xəbərdar edir.

"Netcraft"ın məlumatına görə, Azərbaycanda "NetcraftToolbar" hazırda 4337 fərdi kompyuterdə quraşdırılıb ki, bu da 2012-ci ilin aprel ayının göstəricisindən 11 faiz aşağıdır.

Fişinq-hücum populyar brendlərin adından kütləvi elektron poçt göndərişləri ilə həyata keçirilir. Məktubda zahirən həqiqidən fərqlənməyən bu brendin yalançı saytına bilavasitə istinad edilir. Belə sayta düşən zaman istifadəçi fırıldaqçılara akkaunt və bank hesablarına daxil olmağa imkan verən qiymətli informasiyanı ötürə bilər.

Məqalədə:
Xəbər lenti

Xəbər lenti