Azərbaycan, Bakı, 19 avqust /Trend, müxbir H. Vəliyev/
Şəki rayonunun küçələrinin işıqlandırılmasında işıq diodlu LED (Light-emitting diode) lampalardan istifadə olunacaq. Bu barədə Trend-ə bazar ertəsi Rabitə və İnformasiya Texnologiyaları Nazirliyinin Yüksək Texnologiyalar üzrə Araşdırmalar Mərkəzindən bildirilib.
Mərkəzdən bildirilib ki, pilot layihəni sentyabr ayında Şəki Rayonu İcra Hakimiyyəti ilə birgə reallaşdırmaq planlaşdırır.
İşıq diod işıqlandırma sistemlərindən həm dekorativ, həm də ümumi işıqlandırmaq məqsədilə istifadə etmək planlaşdırılır. Bunlar memarlıq binaları, küçələr, parklar və magistral yollardır.
Mərkəz işıq diodlu lampaların istehsalına ötən il başlayıb. Layihə kommersiya xarakteri daşıyır.
