Azərbaycan, Bakı, 23 oktyabr /Trend, müxbir H.Vəliyev/
2013-cü ilin sentyabrında AzNET seqmentində real fişinq-insidentlərin sayı on dəfə artıb. Trend-in məlumatına görə, bu barədə çərşənbə günü "Netcraft" analitik şirkətinin hesabatında deyilir.
Hesabata əsasən, Azərbaycanda hər 153 saytın (.az domenində) payına fırıldaqçılar üçün bir səmərəli fişinq-hücum düşür. Hücumlar bu və ya digər halda pul və ya istifadəçinin şəxsi məlumatlarını əldə etmək məqsədi daşıyır. Müqayisə üçün: yanvar ayında hər 1554 saytın (.az domenində) payına fırıldaqçılar üçün bir səmərəli fişinq-hücum düşür.
Təhlil "MozillaFirefox" və "InternetExplorer" brauzerləri üçün modul olan "NetcraftToolbar" proqramı əsasında hazırlanıb. Proqram istifadəçini potensial təhlükəli internet-resurslar, eləcə də fişinq-hücumların qarşısının alınması barədə xəbərdar edir.
"Netcraft"ın məlumatına görə, Azərbaycanda "NetcraftToolbar" hazırda 4364 fərdi kompyuterdə quraşdırılıb.
Fişinq-hücum populyar brendlərin adından kütləvi elektron poçt göndərişləri ilə həyata keçirilir. Məktubda zahirən həqiqidən fərqlənməyən bu brendin yalançı saytına bilavasitə istinad edilir. Belə sayta düşən zaman istifadəçi fırıldaqçılara akkaunt və bank hesablarına daxil olmağa imkan verən qiymətli informasiyanı ötürə bilər.
